Ihr liewe Leit:
Die Gelannde saage uns ass die Aerd weeffemer un weerremer watt, un die heisse Daage ass mer letscht Woch hawwe hen scheint zu saage ass sie recht hawwe. Un die Leit wu zu kalt im Winder waare sin nau nadierlich zu heiss. Wie der D. B. Brunner (1835-1903) mol gschriwwe hot,
Een Mann dem die Hitz net gfallt
Winscht es waer noch viel kelder.
En Anrerer saagt's iss mir viel zu kalt,
Un weil es kalt iss, schellt er.
Im Summer warm die Hitz aageht,
Dann duhne mer oftmols saage,
"0, warm es yuscht mol regne deet
Fer drei, vier ganse Daage."
Die Louise Weitzel (1862-1934) hot genaa
gewisst was der Brunner gerneent hot. In ihre
Gedicht "Die Grummler" hot sie gschriwwe:
Ee Deel Leit grummle immerhie,
Sie grummle Daag un Nacht.
Uff gut's un Scheen's in daere Welt
Gewwe sie gaar kee Acht.
Im Summer iss es gans zu heess,
Im Winder gans zu kalt,
Die Yunge sin gans zu yung,
Die Aide gans zu alt.
Warm's regent iss der Grund zu nass,
Warm's drucke zu voll Schtaab;
Im Winder sin die Beem zu daerr,
Im Summer zu voll Laab.
Die schmaerde Leit sin gans zu schmaert,
Die Dumme gans zu dumm;
Die Schtroosse sin aa gans zu graad,
Die Leens sin gans zu grumm.
Nau, 's waar net leicht fer der Ralph Funk (1889-1969) zu verschteh ferwas so viel Leit iwwer's Wedder grummle. In seim Gedicht "Summer" hot er gschriwwe:
Ich kann's net verschteh---
Un was iss noch meh---
Grummle iss aus der Weis;
Was geebt's Sauerei,
Keemt Kelt in Tschulei,
Un vleicht deel Schnee un Eis.
Mir brauche yo Hitz!
Des nemmt gaar ken Witz
Zu sehne wu sie basst---
Fer Frucht, Obscht, gewiss,
Un Hoi in der Wiss,
Dass Haerbscht so kauftich fasst.
Macht's gut,
Der Alt Professer
|
Dear people:
The learned people tell us that the Earth is getting warmer and warmer, and the hot days that we had last week seem to say that they are right. And the people who were so cold in the winter are now naturally too hot. As D. B. Brunner (1835-1903) once wrote,
One man, who doesn't like the heat,
Wishes it were even colder.
Another says it is too cold for him,
And because it is cold, he scolds.
In summer, when the heat starts in,
Then we often say,
"Oh, if it would only rain
For three, four whole days."
Louise Weitzel (1862-1934) knew exactly what Brunner meant. In her poem "The Grumblers" she wrote:
Some people grumble all the time,
They grumble day and night.
To good things and nice things in this world
They never pay attention.
In summer it is much too hot,
In winter much too cold,
The young are much too young,
The elderly much too old.
When it rains the ground is too wet,
When dry, too full of dust;
In winter the trees are too defoliated,
In summer too full of foliage.
The smart people are too smart,
The stupid much too stupid;
The streets are also much too straight,
The lanes are much too crooked.
Now, it wasn't easy for Ralph Funk (1889-1969) to understand why so many people grumble about the weather. In his poem "Summer" he wrote:
I can't understand it---
And what is more---
Grumbling is all out of tune;
What a mess it would be---
If cold came in July,
And perhaps some snow and ice.
We need heat, of course!
It doesn't take much common sense
To see how it fits in---
For grain, fruit, of course!
And hay in the meadow,
Which autumn then measures by the heap.
Take care,
The Old Professor
|
