|
Current
Directors & Officers
of the Society
Officers
President
Thomas J. Gerhart
Vice President
Jay V. Wenger
Secretary
Candace Kintzer Perry
Treasurer
Carolyn C. Wenger
Editor
Thomas J. Gerhart
Board Members
Thomas Gerhart
Carolyn C. Wenger
Jay V. Wenger
Lawrence Knorr
Randy Gartner
Wayne Kline
Jenifer Kopec
Candace Kintzer Perry
Office Staff
Volunteers
|
| PA
German Dialect
Es Neinuhr Schtick
September
30, 2004
Ihr liewe Leit:
Heit mache mer weider middem Holsbock seim Gedicht vum Bill seinre
Vendu:
Groose Meed un gleene Meed,
Lang un katz waar datt,
Dick un dinn, un schwatz un weiss,
Un alle anner Satt.
Dann endlich hot der Groier gsaat,
“Es geht alles ass er hot;
Nau duhne mer der alt Baetschler uff,
Waer gebt mer en Gebott?”
“Fimf Cent, fer’s schtaert,” saagt en Fraa,
(Sie hot en Mann im Graab).
“Sex,” greischt en annri, “sell’s gewiss
Dreck wolfel wann ich’s saag.”
Der Bill hot ner en Aag verzuckt;
Dann greischt der Groier, “Mei,
Beguck der Baetschler mol, ihr Leit,
Der biedt yo meh fer Sei.”
Noh hot en yungi Wittfraa datt
Em Bill sei Naas gezoppt;
En annri, die iss hinnebei
Un hot sei Woll geroppt.
Un wie sie gsehne hen der Bill
Hot’s freindlich aagnumme,
Sin die Gebott viel schtarriger
Un meh hatzhafdich kumme.
Der Breis waar dreiundreissich Cent
In ebbes wie en Schtund,
Dann saagt der Groier, “’S iss en Schand,
Ihr gebt meh fer en Hund.”
Awwer in re Jiffy waar der Breis
Gans uff zu neinzich gschickt,
Un darrich’s hoch Excitement hen
Deel Meed die gichdere grickt.
Sie waare all so engschterlich
Fer der alt Baetschlermann,
Un fer eweil war’n Riot, schier
So schlimm ass Griek im Gang;
Die Haar verroppt un’s Gfress vergratzt,
Es Blut’s wie Wasser geloffe;
Dann hot die Betz Fettkessel
Neinunneinzich Cent gebodde.
“Gone,” greischt der Groier, “nemm en weck,
Fer neinunneinzich Cent.”
Un weil die annre gfochte hen,
Do greischt die Betz, “Aamen!”
Sie hot der Breis in Cash bezaahlt,
Un “Halleyulyer!” gsunge,
Der Bill gegraebt un blettslich
Uffem Buckel heemgenumme.
Macht’s gut,
Der Alt Professer
|
Dear people:
Today we will continue with Hulsbuck’s poem about Bill’s auction:
Large girls and small girls,
Tall and short were there.
Fat and skinny, black and white,
And all other sorts.
Then finally the auctioneer said,
“Everything he had is gone;
Now we’re putting up the old bachelor.
Who’ll give me a bid?”
“Five cents, for a start,” says a woman,
(She has a husband in the grave).
“Six,” yells another, “that’s certainly
Dirt cheap, even if I say so.”
Bill didn’t blink an eye;
Then the auctioneer yells, “My,
Just look at that bachelor, you people,
You’ll bid more for pigs.”
Then a young widow there
Pulled on Bill’s nose;
Anther, she went around the back
And pulled on his hair.
And when they saw that Bill
Took it friendly ,
The bids came faster
And more vigorously.
The price was thirty-three cents
In something like an hour,
Then the auctioneer says, “It’s a shame,
You’ll give more for a dog.”
But in a jiffy the price was
Sent way up to ninety,
And because of the great excitement
Some girls got the convulsions.
They were all so anxious
For the old bachelor-man,
And for a while there was a riot, almost
As bad as a war happening;
They pulled their hair and scratched their faces,
The blood ran like water;
Then Betsy Fettkessel
Bid ninety-nine cents.
“Gone,” yells the auctioneer, “take him away,
For ninety-nine cents.”
And while the others were fighting,
Betsy cries “Amen!”
She paid the price in cash,
And sang “Halleluyah!”
She grabbed Bill and promptly
Took him home on her back.
Take care,
The Old Professor |
|
Click here
to go to PA German Dialect archive page. |
|
Home
| PA German Culture | Current News |
PA
German Dialect
Links of Interest | Membership |
Publications | Order Form
Our mailing address is: The
Pennsylvania German Society
P.O. Box 118
Ephrata, PA 17522
(717) 597-7940
E-mail:
pgs@innernet.net ©
Copyright 2010.
The Pennsylvania German Society
Site design and hosting by Reading
Eagle Company Internet Services
updated
04/08/2014 tjg
|
|
