Ihr liewe Leit:
Es kennt sei ass die yunge Leit heidichdaags denke die Kaundi Fair
waer ebbes neies. Es kennt awwer sei ass die Fair so alt sin wie die Kaundis
selwer sin. Der J. Max Hark hot mol vun re Fair gschriwwe – schunn vor 1899!
Do sin en paar Linye:
Was der Jake awwer heit net so groossfiehlich duht,
In seim bescht neie Sunndaag Suut!
‘S iss wiel er die Kate uff die Fair nemme will,
Im neie Weggelche un em grohe Fill.
Die Kate iss noch aeryer gebutzt ass wie er.
Ich weess net wie’s gaar meeglich waer
Meh Feddre un Blumme uff ihr Hut zu duh –
Odder en schenneres Meedche zu finne dezu!
Gewiss sehnt mer net en schmaertguckicheres Paar
Ass wie des an dem Marrige waar
Wie sie in der Fairgrund neigfaahr sin –
‘S waar Dunnerschdaag Marrige, so wie ich bsinn.
Was waar awwer schunn en Latt Mensche datt,
Un en Zucht un Gegrische alsfatt—
Un noh kummt die Baend noch un schpielt uffem Schtaend!
‘S waar’n ewicher Laerm, awwer doch waar’s aa graend.
Zuaerscht hot’s die Kate schiergaar bang gemacht;
Der jake awwer hot yuscht gelacht.
“Nemm du yuscht mei Hand,” secht der Jake; un noh
Geht’s ab zu sehne was zu sehne iss do
En Sackvoll Grundniss waern gekaaft fer’n Schtaert,
Sie sin woll ken finf Zent waert,
An der Fair awwer guckt mer net uff die Exschpens,
Un der Jake fiehlt heit aa so reich ass en Brins.
Sie schtehne en Weil and der Schliffelmiehl.
Vun de Buwe un die meed sin viel
Was druff fahre; die Kate awwer will’s net duh;
Sie secht ‘s macht sie darremlich, un’s kosht noch dezu.
Doch iwwer en Weil grickt der Juake sie weit—
Ennich Meedel watt bschwetzt mit der Zeit –
Ass sie’n gut dutzent mol mit ihm rumgfaahre iss;
Er hot sie fascht ghalde – weegem Darremel gewiss!
Noochdem sie sin gange middenanner die Kieh
Zu begucke, un’s annere Vieh.
Vun Schoff un vun Sei’s nix abbaddiches zu she;
Die Geil sin recht gut un die Hinkel sin schee.
Mer mache neegscht Woch weider!
Macht’s gut,
Der Alt Professer
|
Dear people:
It could be that young people these days think that the county fair is
something new. It could be, however, that the fairs are as old as the
counties themselves are J. Max Hark once wrote about a fair – already in
1899! Here are a few lines:
How uppish Jake is acting today,
In his best new Sunday suit!
It’s because he wants to take Kate to the fair,
In his new little wagon and grey colt.
Kate is even more dressed up that he is.
I just don’t know how it would be possible
To put more feathers and flowers on her hat –
Or to find a more beautiful girl to them.
Certainly one doesn’t see a smarter looking pair
As this one on this morning
As they drove into the fairgrounds –
It was a Thursday morning, as I remember.
My, but what a lot of people were there already,
And a continuous racket and yelling –
And then comes the band and plays on the stand!
There was an eternal noise, but it was still grand.
At first it almost made Kate afraid;
But Jake just laughed.
“Take my hand,” says Jake; and then
They went off to see what was to be seen.
A bagful of peanuts was bought for a start,
They are really not worth five cents,
At the fair one doesn’t look at the expense,
And Jake feels today as rich as a prince.
They stand for a while at the merry-go-round.
Of boys and girls there are many
Who ride on it; but Kate doesn’t want to do it;
She says it makes her dizzy, and it costs besides.
But after a while Jake gets her to go –
Any girl can be persuaded with time—
She went around with him about a dozen times;
He held her close – certainly because of the dizziness!
After that they went together the cows
To see, and other animals.
Of sheep and of pigs there wasn’t much special;
The horses are very good and the chickens are nice.
We’ll continue next week.
Take Care,
The Old Professor
|
