Ihr liewe Leit:
Am zwansichschde feiere mer em Daadi sei Daag - der Vaddersdaag. Es
waar ebbes wie fimfunsechzich Yaahr zerrick ass die Mabel G. Sayer vun Redden
des do Gedicht fer ihr Vadder gschriwwe hot, awwer sell meent net ass mer net
all ihr Schreiwes gleiche kenne. Do iss
Uff Daadi Daag
Die Mammi hot ihre Daag schunnt ghatt,
so hen die Kinner aa;
Nau gewwe mer em Paepp sei Daag;
kummt, mer fange aa.
Ach! Der Daadi iss en guder Kall
Vun Aafang bis ans End;
Sell finnt mer ass die Waahret iss
wann mer ihn mol kenne lannt.
Em Hoschbidaal laaft er im Gang,
un des geht hie un haer;
Er schwitzt un ziddert, lammediert,
un schmookt en Bax Sigaer.
Was er muss ausschteh weess ken Menscht,
bis der Dokder kummt un saagt;
"Hoscht Zwilling Buwe, mei liewer Mann,
nau guck net so versaagt."
Uff kors er iss en wennichih
schtreng
un gnellt eem in die Ohre,
Un warremt eem sei Hossesitz,
sell hen mer all erfaahre.
Ich denk er meent mer hett's verdient;
nau die Mammi schlaagt net hatt,
Awwer die Schliwwere fliege draus im Holshaus
wann der Daadi hebt die Gatt.
Vun marrigets frieh bis dunkel Nacht
schafft er fer uns ernaere;
Der Grissel geht eem aus deel Zeit
wann mir die Wadde heere:
"Die Saelli hot ihr Gaund verrisse,
der Tschaeki hot ken Schuh,
Der Kaerpet iss voll Lecher gedanst,
un mer hen en granki Kuh."
So saage mir zum Daadi,
"Ich lieb dich, liewer Mann:
Du bischt der bescht alt Kummeraad
ass mer yuscht finne kann.
Mer lowe dich un ehre dich,
un hoffe fer en langi Zeit
Bleibscht du so freehlich bei uns, Daadi,
Graad wie du bischt noch heit."
Macht's gut,
Der Alt Professer
|
Dear people:
On the twentieth we will celebrate our Daddy's day - Father's Day.
It was something like 65 years ago that Mabel G. Sayer of Reading wrote
this here poem for her father, but that doesn't mean that we can't all
enjoy her writing. Here is:
On Father's Day
Mother has already had her day,
and so have the children;
Now we're giving Dad his day;
come, let's get started.
Oh! Daddy is a good fellow
from the beginning to the end;
On finds that to be the truth
when one gets to know him once.
In the hospital he walks in the hall,
and goes back and forth;
He sweats and shivers and laments,
and smokes a box of cigars.
What he has to stand no one can know,
till the doctor comes and says:
"You have twin boys, my dear man,
now don't look so forlorn."
Of course he is a little stern
and boxes one on the ears,
And warms his pants seat,
we've all experience that.
I think he believes one has earned it;
now Mommy doesn't hit so hard,
But the slivers fly out in the woodshed
when daddy holds the whip.
From early morn till dark night
he works to feed us;
We shuddered sometimes
when we heard the words;
"Sally ripped her dress,
Jacky has no shoes,
The carpet has been danced full of holes,
and we have a sick cow."
So we say to Daddy,
"I love you, dear man;
you are the best old comrade
that one ever could find.
We praise you and honor you,
and hope that for a long time
You will happily stay with us, daddy,
just as you are still today."
Take care,
The Old Professor
|
